Tlawngta & Zalennak (Student & Freedom)
Thuhmaihruai
Santiluan
cun kan rampi cozah khal a fen vivo ih tu ahcun zalennak (Democracy) lam khal
kan pan vivo. Rampi a herawk vek in a
sungih umpawl khal santiluan vek ih her aw vivo thiamtu le dawi man vivo theitu
kan si a tul. Cumi lawngah zalennak hmuan diktak ah kan tlangleng thei ding.
Zalennak ramsungih kan feh theinak ding ahcun a hmaisabik ah zalennak ih sullam
kan theih hmaisa a tul. Cumi cu Democracy ram daan vek ih minung canpual kan
right kan theih a tul. Tui kan ngan dingmi hi kan ramsung khal ah hman rero zo
mi a um ding, thenkhat cu kan theih lo lawlaw mi khal a um ding. Ziangvek a si
khal le Democracy ram ukawknak ih an hman mi tlawngta zalennak kan hun coihsuak
tum dingih, kan thulu thawn kaikawh na hen ngai pei mawh! Theitawk in kan
hliakhlai hnik pei…
Zalentak
ih simtheinak
Tlawngta
le zalennak tin kan ti tik ah capual tampi a um. Cumi sung ahcun nunau pawl ih
canpual, miphun malte an si khal le zalentak ih sim theinak an nei thotho.
Cuihleiah miphun dangdang thleidannak um lo ih zalenzet ih biaktlangawk theinak
kan nei. Kumpi cozah in tlawnta pawl hrangih daan pahbal ih an tuah mi a um
khal a si le zalenzet ih simrel theinak kan nei. Mitampi cun kan canpual kan
theih lo ruangah tihhrutnak ah kan hmangih, cutin kum caan a rei vivo tik ah
kan capual pawl khal thei nawl lo in hinah, khinah an ti mi tin kim ah kan feh
luailo theu.
Zalenzet
ih phorhsuak theinak kan ti tik ah phunsang tlawng (University) hrang lawng
siloin suakthuan tlawng (High School) le Tualleng tlawng pawl tiang in simrel
theinak kan nei theh. Hmanseh zalennak kan ti tik ah tlawngih daan hrampi cu
kan pahbal lo ding khal a thupi zet. Tlawng kedarnak ding le thansonak ding
hrang kan ruahmi, mipi vantlangpawl hrangih thiltha a si mi poh cu huaizet le
ngamtak ih aupi theinak khal kan nei. American ram ahcun tlawngta pawl le
kiangkap buaibainak a um tik ah thuthentu menmen hman hmang lo in (thinker)
thuruattu a silo le (Think Tank) ruahnak petu pawl thawn kawpaw in lairelnak an
tuahsak theu. Sim duhmi cu tlawngta pawl an si ahcun cozah khal in a ngai
poimawh hleice tinak si. Hlanlai ahcun tlawnginn pawl ah tlawngta pawl an duh
phorhsuak thei lo nak daan an rak tuah. Ziangvek in daan terek an tuah khal a
sile dindanhrampi le minung canpual thawn kan khai khawm sal a si ahcun zovek
tlawngta khal in zalentak in duhphorhnak a nei tengteng ding mi a si.
Tlawngta
pakhat in an cazirnak si maw, thildang sual tuah mi a neih lo ahcun a duh lo mi
zirhtu, daan lo ih miukhmang zirhtu a duh lonak pawl cu a kut ah patsen khit in
si maw a langter thei, cun ramhruaitu si maw, tlawngta zirhtu lala khal a si le
tlawngta pakhat ih a uar zet a si ahcun cu pai’, cu nui’ zuk cu angki ah cuang
ter tahrat in zalenzet ih hruak theinak khal a nei. Zo hman ih kham le don
theih lo mi a si. Hi thinker pawl cun hivek ih duh lonak
a langternak pawl cu zohman in nan kham thei lo tin daan an suah. Caan tampi
ahcun hi tlawngta pawl cangvaihnak in kan zirnak lam in siatsuah tuk ti khal
in, in ti caan a um ding. Hmanseh kan theih ringring dingmi cu daan vek ih
lairelnak kan co ahcun tlawngta pa cun nehnak a co ringring ding. Hmanseh kan
ram dinhmun ahcun a harsa zet lai men thei. Ziangah tile dindaanhrampi kan
thlir sal tik ah fumfe zet ih mipakhat in zalentak ih duhphorh theinak a nei
hrih lo.
Pehlai
ding…
Comments
Post a Comment