Kan Falam a mawi ding cun!
Mi tampi cun Falam tiih kan hun sal tik ah ruahnak phunphun rak nei tu tla an
um. Cun mi thenkhat vet hung cun Falam hun ti ve ten rak tannak khat tla kan
um. Ziangvek kan si khal le Falam mi kan tic un Falam Peng sungih um mi
hmuahhmuah a khih hmuh thluh tinak a si. Curuangah Falam khawpi kan ti mawi
ding cun a peng sungih um mi hmuahhmuah in tuan vo tumpi kan nei. Kan suahnak a
si lo, kan pi le pu khal an rak sem ve lo tivek men ih rak phun rero ding a cu
nawn lo. Culawng hman silo ramsung hman siloin ram leng ihsin tuahnak tel lo ih
rak au kio rero khal that hnemnak a nei cuang lo. Kan tuah tuan taktak a si
ahcun rak au ve khal le a awm ang deuh.
Falam khawpi kan tuahthat duh a si ahcun a hmun ram kan thawn a tul. Ziangah tile tui Falam khawlipi dinhmun hi Geological lam ih kan zoh a si le a hnget khoh lo dan kan fiang ding. Culawng hman silo Falam khawsung hrimhrim ah Inn tha le Hotel pipi sak ding in kan ram in a pe fawn lo. Kan ram ah Tourism kan neih thei ding cun Hotel tawk fang nawn tal kan neih a tul. Tourism kan neih a si le khaw sung mipawl ih thil zuarnak lam khal ah tampi that hnemnak a pe ding. Thil tha le hlawknak lam a um thei zia cu sim rel tul lo in kan thei tawk pam in a zum um. Asile ziangtin kan Falam khawlipi mawi ding in kan tuah ding?
Kan Falam khawlipi mawi le kau le hmun nuam a um theinak ding ahcun Khawthar kan din a tul. Cutiih khawthar ka ti tik ah tui Falam Khawpi teh a ziam ding maw? Asilole a ria lak ding maw? Ziam lamlam lo e, ria khal a ria lamlam lo ding. Lungpi ihsin khua cu kan hei tuah thok dingih cutin Zahau tlangtluan in Rih lam ah, Tibual lam rih zin pi in a tlangtluan in khawpi kan toh ding. Tidai khal tui Falam ai in kan nuam sawm ding. Tidai tenren tak ih hman rero khal a tul nawn lo ding. Rihlipi kiangah Hotel tumpi kan sak ding. Kan Chin mi thlainah, rah kan cin mipawl khal India ram, Mizoram State lam ah kan zuar suak thluh thei ding. Kalaymyo lam khal ah col lo in a suk thotho ding nan Lothlo pawl hrang an thilcin mipawl cu man neih zet le man hla zet in an zuar thei ding.
Tuihlan Mirang pawlih in rak uk san lai ih an rak sim dah mi cu, “Asia khawmual hmuahhmuah vanzam tumnak ding ih, hmuntha nuam tiih an rak hril mi cu Tui kan theih larzet mi Surbung Tlang hi a si thu” santhuanthu theitu pawl cun an rak sim. Cun a pahnihnak ahcun India ram ah a si ih an nih cu Cozah a that ruangah tla a si ding ih tu ahcun Vanzam a tum dutdo rero zo. Hotel tumpipi kan nei thlang dingih, Tourism tawkfang nawn kan ram ah an ra lut ding cutik ah mi te bik ihsin mi tumbik tiang hna kan nei thlang ding. Phunhra ong e, Degree ngah e ti khal thlengdang awknak um lo in hnatuan ding kan ngah ding kan nuntu khawsak lamzin zawh a nuam ding.
Falam Khawpi hlun ih kan zung neih mi hmuahhmuah cu tlangtluan ah khat tawk a hlatnak ah kan hei re vivo ding. Cutik ah hnatuan pawl cun a lo theih lo in a kiangkap ah an va um vivo ding cutin minung cu hmun dangdang ihsin kan pung vivo ding ih khawpi bik ah kan suak ding. Tui Falam ah zung a um nawn lo ding kan ti rero nan, zung a lawng mi hmuahhmuh a silole thenkhat pawl cu kan Chin ram ra tlawng ih mi harsa le vansang thlennak ding nei lo pawl umnak hmunah kan hmang ding ih kan Biak Pathian khal in in thlawsuah ding. Thenhrakkhat innpi pawl cu Pupa pawl ih an nuntu khawsakdan, ral an rak do daan le cun Khrihtian kan si thok ih Zumtu hmaisa pawl ih santhuanthu, pawl kan khum dingih Chin Museum ah kan tuah ding. Cui Museum khal in sumpai cu a lut rero ding.
Tui kan dinhmun kan thlir a si le Cozah lam khal in khawpi thar din le thoh ding cu a siang zo. Hmanseh thenkhat mi malte pawl in lungkim lonak tete le hih khawpi thar kan din ruangah harsatnak a phunphun kan tong ding a phang tu kan um phahphah lai ruangah a si. Cumipawl cu kan kiang nai um mi le kan sung le khat an rak um pang khal le a sim dan le khawpi thar tuah ih kan hlawk phahnak ding lamzin pawl sim cio dingah tuan vo kan nei.
Falam Phunsang Tlawngta Pawlkom, Myanmar pawl khal cun cui Khawpi thar kan dinnak hmun ahcun Pu Za Nei Sum Calai Buuk hrang cu ram khal an hual theh zo. A tlun ih kan sim mi, mi malte pawl ih lungkim lo nak le an lung haknak pawl a hung fel ahcun ramtin ih um mipawl, kan falam mi le sa pawl cun ram kan ham dingih kan um thei hrih lo a si hmanah inn kan hun sak cio ding. Ramdang kan ngai nawn lo ding Auto Air Con ram ah kan um ding.
Kan ram ah cutin hnatuan tu siseh kan pung vivo a si le, cun ram kau ih kan hung um a si le kan tong kan calai khal in mi a neh vivo dingih cutin neitabik ahcun Chin ram sungih khawpi bik le ram mawi bik neitu Falam te fa ah kan suak thei ding.
Falam khawpi kan tuahthat duh a si ahcun a hmun ram kan thawn a tul. Ziangah tile tui Falam khawlipi dinhmun hi Geological lam ih kan zoh a si le a hnget khoh lo dan kan fiang ding. Culawng hman silo Falam khawsung hrimhrim ah Inn tha le Hotel pipi sak ding in kan ram in a pe fawn lo. Kan ram ah Tourism kan neih thei ding cun Hotel tawk fang nawn tal kan neih a tul. Tourism kan neih a si le khaw sung mipawl ih thil zuarnak lam khal ah tampi that hnemnak a pe ding. Thil tha le hlawknak lam a um thei zia cu sim rel tul lo in kan thei tawk pam in a zum um. Asile ziangtin kan Falam khawlipi mawi ding in kan tuah ding?
Kan Falam khawlipi mawi le kau le hmun nuam a um theinak ding ahcun Khawthar kan din a tul. Cutiih khawthar ka ti tik ah tui Falam Khawpi teh a ziam ding maw? Asilole a ria lak ding maw? Ziam lamlam lo e, ria khal a ria lamlam lo ding. Lungpi ihsin khua cu kan hei tuah thok dingih cutin Zahau tlangtluan in Rih lam ah, Tibual lam rih zin pi in a tlangtluan in khawpi kan toh ding. Tidai khal tui Falam ai in kan nuam sawm ding. Tidai tenren tak ih hman rero khal a tul nawn lo ding. Rihlipi kiangah Hotel tumpi kan sak ding. Kan Chin mi thlainah, rah kan cin mipawl khal India ram, Mizoram State lam ah kan zuar suak thluh thei ding. Kalaymyo lam khal ah col lo in a suk thotho ding nan Lothlo pawl hrang an thilcin mipawl cu man neih zet le man hla zet in an zuar thei ding.
Tuihlan Mirang pawlih in rak uk san lai ih an rak sim dah mi cu, “Asia khawmual hmuahhmuah vanzam tumnak ding ih, hmuntha nuam tiih an rak hril mi cu Tui kan theih larzet mi Surbung Tlang hi a si thu” santhuanthu theitu pawl cun an rak sim. Cun a pahnihnak ahcun India ram ah a si ih an nih cu Cozah a that ruangah tla a si ding ih tu ahcun Vanzam a tum dutdo rero zo. Hotel tumpipi kan nei thlang dingih, Tourism tawkfang nawn kan ram ah an ra lut ding cutik ah mi te bik ihsin mi tumbik tiang hna kan nei thlang ding. Phunhra ong e, Degree ngah e ti khal thlengdang awknak um lo in hnatuan ding kan ngah ding kan nuntu khawsak lamzin zawh a nuam ding.
Falam Khawpi hlun ih kan zung neih mi hmuahhmuah cu tlangtluan ah khat tawk a hlatnak ah kan hei re vivo ding. Cutik ah hnatuan pawl cun a lo theih lo in a kiangkap ah an va um vivo ding cutin minung cu hmun dangdang ihsin kan pung vivo ding ih khawpi bik ah kan suak ding. Tui Falam ah zung a um nawn lo ding kan ti rero nan, zung a lawng mi hmuahhmuh a silole thenkhat pawl cu kan Chin ram ra tlawng ih mi harsa le vansang thlennak ding nei lo pawl umnak hmunah kan hmang ding ih kan Biak Pathian khal in in thlawsuah ding. Thenhrakkhat innpi pawl cu Pupa pawl ih an nuntu khawsakdan, ral an rak do daan le cun Khrihtian kan si thok ih Zumtu hmaisa pawl ih santhuanthu, pawl kan khum dingih Chin Museum ah kan tuah ding. Cui Museum khal in sumpai cu a lut rero ding.
Tui kan dinhmun kan thlir a si le Cozah lam khal in khawpi thar din le thoh ding cu a siang zo. Hmanseh thenkhat mi malte pawl in lungkim lonak tete le hih khawpi thar kan din ruangah harsatnak a phunphun kan tong ding a phang tu kan um phahphah lai ruangah a si. Cumipawl cu kan kiang nai um mi le kan sung le khat an rak um pang khal le a sim dan le khawpi thar tuah ih kan hlawk phahnak ding lamzin pawl sim cio dingah tuan vo kan nei.
Falam Phunsang Tlawngta Pawlkom, Myanmar pawl khal cun cui Khawpi thar kan dinnak hmun ahcun Pu Za Nei Sum Calai Buuk hrang cu ram khal an hual theh zo. A tlun ih kan sim mi, mi malte pawl ih lungkim lo nak le an lung haknak pawl a hung fel ahcun ramtin ih um mipawl, kan falam mi le sa pawl cun ram kan ham dingih kan um thei hrih lo a si hmanah inn kan hun sak cio ding. Ramdang kan ngai nawn lo ding Auto Air Con ram ah kan um ding.
Kan ram ah cutin hnatuan tu siseh kan pung vivo a si le, cun ram kau ih kan hung um a si le kan tong kan calai khal in mi a neh vivo dingih cutin neitabik ahcun Chin ram sungih khawpi bik le ram mawi bik neitu Falam te fa ah kan suak thei ding.
Comments
Post a Comment